Tipserluni Lottorlunilu

Tipsernermit lottornermillu iluanaarutinik agguaaneq pisarpoq Tipsernermit lottornermillu iluanaarutinik agguaassisarneq pillugu Inatsisartut inatsisaat nr. 7, 1. juni 2006-imeersoq najoqqutaralugu.

Namminersornerullutik Oqartussat Dansk Tipstjenestelu 2003-mi isumaqatigiissuteqarput Kalaallit Nunaanni Danskit tipsertitsisartut tipsertitsinerminni iluanaarutinik agguagarsiassai pillugit. Aningaasat puljenut pingasunut agguarneqarput tipsernermit lottornermillu inatsisartut inatsisaat malillugu (naleqq. aningaasanut inatsimmi konto pingaarneq 40.92.21).

Pulje A – timersornernut tamanit peqataaffigineqarsinnaasunut, innarluutillit utoqqaallu timersornerat ilanngullugu, aamma piukkunnaatillit pikkorinnerillu timersornerinut tapiissutit. Tapiissutit Kalaallit Nunaanni Timersoqatigiit kattuffiannit aammalu Team Greenlandimillu agguarneqassapput.

Pulje B – timersornermut tunngassuteqanngitsumik meeqqanut inuusuttunullu suliniutinut tapiissutit. Tapiissutit SORLAK aqqutigalugu qinnutigineqassapput taakkualu meeqqat inuusuttullu peqatigiiffiinit tamanit qinnutigineqarsinnaapput (SORLAK attavigiuk sorlak@sorlak.gl)

Pulje C - tamanut iluaqutaasussamik siunertanut allanut, taamatuttaaq kulturimut tunngatillugu siunertanut, inunnik qaammarsaanermut siunertanut, nappaatinik akiuiniarnermut pinaveersaartitsinermullu siunertanut, inooqatigiinnermut tunngasunut siunertanut, asimiititsinissanik siunertanut aamma tamanut iluaqutaasussanik ilisimatusarniarluni siunertanut tapiissutit malittarisassanut link