Suliniutit makku tapiissuteqarfigineqarput:
Seoul-imi, Korea, nunat tamat ataatimeersuarneranni peqataaneq
Qinnuteqartoq: Gorm Winther
Qinnuteqartup oqalugiaat Seoul-imi, Korea, International Cooperative Alliance'imi saqqummiutissavaa. Quppersagaq ilisimatooq Gerard Duhaime, Universite Laval, Quebec, suleqatigalugu suliarineqarsimavoq.
Qinnuteqaat 2.000 kr.-nik aningaasalerneqarpoq.
Kalaallit Nunaanni Naatsiiveqarneq
Qinnuteqartoq: Rie Oldenburg
Kalaallit Nunaanni naatsiiveqarnerup kulturikkut oqaluttuassartaa pillugu aaqqissuussamik suliniummi misissorniarneqarpoq. Suliniut Narsap Katersugaasivianit aallaaveqartoq, pisortaanngitsut aningaasaateqarfiinit tapersersorneqarpoq.
Pilersaarut 35.000 kr.-nik aningaasalerneqarpoq.
Nuttarnerit oqaluttuassartaat nuuffigisat pingaarutaat sammillugit
Qinnuteqartoq: Hans Erik Lange
Misissuinermi sammineqarpoq Kalaallit Nunaanni allanit Nuummut maanna nuttarnerit. Nuussimasut nuummiutoqqallu apersornerisigut paasissutissanik katersisoqassaaq.
Pilersaarut 19.500 kr.-nik aningaasalerneqarpoq.
Kalaallit Nunaata inoqassusiata ingerlaasiaq 1805-2000
Qinnuteqartoq: Jette Jensen
Siunertarineqarpoq makku pillugit tunngaviusumik paasissutissanik katersineq; innuttaasut amerlassusiat, inunngortut, toqusut kiisalu nuttartarnerit Kalaallit Nunaanni inoqassuseq qanoq ingerlasimanersoq misissoqqissaarniarlugu. Misissueqqissaarnerup siunertaraa qangaanerusoq maannalu pissutsit inoqassutsip ineriartorneranut sunniuteqartut imminnut qanoq ataqatigiinnerat paasiniarlugu.
Pilersaarut 22.500 kr.-nik aningaasalerneqarpoq.
Kalaallit Nunaanni trikineqartarneq
Qinnuteqartoq: Lone Nukâraq Møller
Siunertarineqarpoq kalaallit akornanni ullumikkut trikineqalersarnerup annertussusia sunniuteqassusialu, taakkulu ukiut 20't matuma siornanut naleqqersuullugit. Siunertat ilaattut paasiniarneqarpoq puisit qanoq akulikitsigisumik tunillanneqartarnerat.
Pilersaarut 27.000 kr.-nik aningaasalerneqarpoq.
Nunani avannarlerni Killerni sulisartut piginnaasaat
Qinnuteqartoq: Wolfgang Kahlig
Pilersaarummi misissoqqissaarneqassaaq suliffeqanngitsut piginnaasaqarneri kiisalu suliffissaqartitsiniarnermi pisortat suliniutaannik naliliineq. Pilersaarut Isumaginninnermut Suliffeqarnermullu Pisortaqarfik aamma Ilisimatusarfik suleqatigalugit ingerlanneqassaaq. Pilersaarut ilisimatuut Islandimit, Savalimmiunit, Norge-p Avannaanit aamma Danmarkimit ataqatigiissarillutik suleqatigiinnerannut ilaavoq.
Qinnuteqaat 20.000 kr.-nik aningaasalerneqarpoq.
Nunani tamat ataatsimeersuarneranni peqataaneq, Quebec, Canada
Qinnuteqartoq: Mariekathrine Poppel
Qinnuteqartup oqalugiaat Quebec-imi, Canada, »Memory and History Conference« saqqummiutissavaa.
Qinnuteqaat 20.000 kr.-nik aningaasalerneqarpoq.
Issittumi inuuniarnermi atukkat pillugit misissuineq; Inuit, Saamit aamma Chukotka-mi nunap inuiini
Qinnuteqartoq: Birger Poppel
Pilersaarutip immikkoortua 1 naammassivoq, maannalu ilisimatuussutsikkut najoqqutassaq suliarineqareerpoq (apeqqutit immersugassat ilaallutik), nunani peqataasuni tamani misilinneqareersoq. Immikkoortoq 1 maanna nalunaarusiorneqassaaq.
Qinnuteqaat 70.000 kr.-nik aningaasalerneqarpoq.
Uiguutit kalaallisut allattariarsornermi oqaluttariarsornermilu qanoq atorneqartarpat
Qinnuteqartoq: Frederikke Blytmann Trondhjem
Pilersaarummi kalaallisut allattariarsornermi oqaluttariarsornermilu oqaatsinik atuineq itisilerlugu misissoqqissaarneqassaaq. Misissueqqissaarnermi sammineqassapput kalaallisut allattariarsornermi oqaluttariarsornermilu uiguutit atorneqartarnerisa assigiinngissutaat.
Qinnuteqaat 70.000 kr.-nik aningaasalerneqarpoq.
Nunat tamat ataatsimeersuarneranni peqataaneq, Montpellier, Frankrig
Qinnuteqartoq: Jesper Boje
Qinnuteqartup oqalugiaat Montpellier-imi, Frankrig, på »Working Group on Fishing Technology and Fish Behavior« saqqummiutissavaa.
Qinnuteqaat 20.000 kr.-nik aningaasalerneqarpoq.
Avatangiisini atugassarititaasut umimmaat amerliartornerannut kinguaassiornerannullu pingaaruteqarnerat
Qinnuteqartoq: Bjarne Lyberth
Pilersaarummi pissutsit paasiniarneqassapput, umimmaat ukiuni aalajangersimasuni amerliartornerinut kinguaassiornerinullu tunngasut siulittuutigineqarsinnaanngorlugit.
Pilersaarummi Kalaallit Nunaanni kitaani aamma Canada'p avannaani umimmaqassusiani misissueqqissaarisimanerit sanilliunneqassapput.
Qinnuteqaat 20.000 kr.-nik aningaasalerneqarpoq.
Kalaallit Nunaata kitaani ikkannerni aalisarfiusuni tappiorannartut siammaqqanerat
Qinnuteqartoq: Søren Anker Pedersen
Pinngortitaleriffik-mi ilisimatuussutsikkut suliniutip ingerlanneqareersup ataani "Immap uumassullu ingerlaasiini allanngorarnerit Kalaallit Nunaata kitaani raajaqassutsimut aalisagaqassutsimullu pingaaruteqarnerat" tappiorannartut pillugit ilisimatuussutsikkut najoqqutassat annertuut katersorneqarsimapput.
Tappiorannartut pillugit nunat tamat nutaarsiassaataani naqitami saqqummiunneqartussami nalunaarusiamik allaaserinnittoqassaaq.
Qinnuteqaat 60.000 kr.-nik aningaasalerneqarpoq.
Qilalukkat qaqortat ingerlaartarneri
Qinnuteqartoq: Michael Kingsley
Qilalukkat qaqortat ingerlaartarnerat pillugu misissueqqissaarinernut najoqqutassanik pilersaarummi inerisaasoqassaaq.
Qinnuteqaat 20.000 kr.-nik aningaasalerneqarpoq.
Tuttut umimmaallu mangiartorfii: uumasoqassusia mangiartorfiillu sunniutaat
Qinnuteqartoq: Christine Cuyler
Pilersaarutip siunertaraa Kalaallit Nunaat kitaani sumiiffikkaani pingasuni umimmaat nerisaqarfiisa umimmaqassusianut sanilliullugu pissutsinik sunniutaasunik misissuineq.
Qinnuteqaat 40.000 kr.-nik aningaasalerneqarpoq.
Nuup eqqaani mitit ukiisartut piniarneqarnerisa akornusersorneqartarnerisalulu kinguneri
Qinnuteqartoq: Flemming Ravn Merkel
Pilersaarutip siunertaraa mitit inuillu sinerissamut qanittumik Nuullu eqqaani kangerloqarfinnik atuinerisa nassuiaateqarfiginissaat.
Qinnuteqaat 45.000 kr.-nik aningaasalerneqarpoq.
Europamiut Kalaallit Nunaat pillugu oqaluttuaat
Qinnuteqartoq: Karen Langgaard
Qinnuteqaammi piffissami 1700-1830 Kalaallit Nunaanni angalasarnernit oqaluttuat misissoqqissaarneqassapput.
Qinnuteqaat 3.300 kr.-nik aningaasalerneqarpoq.