skema i word | skema (pdf) | kriterier (pdf) | vejledning (pdf)
Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfik ilisimatusarnissamut pilersaarutinut aallartinniakkanut tapiiffigineqarnissamik matumuuna qinnuteqaqqusivoq. Pilersaarutit aningaasaateqarfinnit allanit aningaasaliiffigineqartussatut anguniakkat pingaarnerutinneqassapput. Sivikitsumik akissarsiaqartitsinermi aamma atortussanut angalanermullu aningaasartuutit tapiissuteqarfigineqassapput. Pilersaarutit ingerlareersut aamma tapiissuteqarfigineqarsinnaapput.
Pilersaarutip tunuliaqutai, ilisimatusarfinnut atassuteqarneq aamma pilersaarummi anguniarneqartut qinnuteqartunit nassuiaatigeqquneqarput. Pilersaarummi periaasissatut isumaliutit aningaasatigullu missingersuusiat ilannguteqquneqarput. Qinnuteqaatit naliliiffigineqarneranni Kalaallit Nunaannut atassuteqarneq pingaartinneqassaaq.
Namminersornerullutik Oqartussat suliniuteqarfiinut attuumassuteqartut avatangiisinut, pinngortitamut, nukissaqarniarnermut, kultureqarnermut aamma Kalaallit Nunaanni inuiaqatigiit inuussutissarsiutillu ineriartortinneqarnissaannut tunngassuteqartut pilersaarutitut siunnersuutit pingaartinneqarnerussapput. Matumani agguaassinissami qinnuteqaatit International Polar Year-imut attuumassuteqartut salliunneqassapput. Siunnersuutit qulaani pineqartunut attuumaasuteqanngikkaluartut aamma tapiissuteqarfigineqarsinnaapput.
Matumani qinnuteqarnermi tipsernermit, lottornermillu aningaasanik tamanit iluaqutigineqarsinnaasumik ilisimatusarnermut agguaanneqartartut ilanngunneqarput. Qinnuteqarnermut immersuiffissaq ataasiinnaavoq, aamma qinnuteqarfigisimasat immikkoortinneqassanngilat. Qinnuteqaatinik naliliinermi ilisimatusarnissamut pilersaaruteqarnermut qinnuteqaatit agguaanneqartarnerat assigalugu tipsernermit lottornermillu aningaasanik qinnuteqaatit nalilerneqassapput.
Qinnuteqaatit naliliiffiginissaannut ataatsimiititamik pilersitsisoqassaaq.
Ilisimatusarnermut aningaasat atugassanngortinneqartut agguaanneqartussat 700.000 koruunit missaannik amerlassuseqarput.
Qinnuteqarnermi allattuiffissiaq immersorneqassaaq, quppernermi uani pissarsiarineqarsinnaasoq (qulaani takuuk) imaluunniit Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfimmi, Ilisimatusarnernut siunnersorti Najâraq Paniula saaffigalugu, oqarasuaat +299 34 57 50, faxi +299 32 31 71, email napa@gh.gl
Qinnuteqaat arfineq-pingasunngorlugu nassiunneqassaaq. Qinnuteqaat email imaluunniit faxi atorlugu nassiunneqartoq akuerineqassanngilaq.
Qinnuteqarfissaq killeqarpoq 1. marst aamma 1. oktober
Qinnuteqaat uunga nassiunneqassaaq:
Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfik
Postboks 1029, 3900 Nuuk
nalunaaqqutserlugu
"Qinnuteqaat"