Ikioqatigiitta

Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoqarfiup Villum Fonden aammalu OAK Foundation suleqatigalugit pilersippaat Mikropuljefondi ”Ikioqatigiitta”. Tassanilu anguniarneqarluni meeqqat inuusuttullu atugaatigut oqilisaanissaq. Kikkulluunniit taamatut suliniuteqarusuttut aningaasaliiffigineqarsinnaapput. Aningaasanik agguaaneq siulleq upernaaq 2011 naammassivoq. Qinnuteqaatit 93-it tiguagut, taakkunanngalu ilaannakortumik tamakkiisumilluunniit 22-it aningaasaliiffigineqarnissaanut akuerisamallugit.

Anguniagaq:

Ikioqatigiittap anguniagaa tassaavoq suliunitinik tapersersuinissaq, meeqqat inuusuttut ilaqutariillu – annerusumik immikkut isiginiarneqarlutik anaanaasut kisimiittut – inuunerminni atugaannut oqilisaataasinnaasunik. Taamaattumik qinnuteqartuni immikkut isiginiarneqarsimapput meeqqat inuusuttullu suleqatiginiarlugit suliuniuteqartut, inerikkiartornerannullu iluaqutaalluarsinnaasunik. Tassuunakkullu anguniarneqarluni inuiaqatigiit namminermut napatinnissaat inerikkiartornissaat.

Ukiassarpat aningaasanik agguaassisoqaqqissaaq taamatullu agguaaneq 2012-mi marloriaqqinneqassalluni. 2 million kr.-nit agguaanneqassapput piffissani taakkunani sisamani.

Qinnuteqarfissaq kingulleq tassaavoq 30. september 2011.

Suut tapersersorneqarsinnaappat?

Suliniutit piviusorsiorlutillu anguniagallit, meeqqanut inuusuttunut meerartalinnullu sammisunik, tassanilu immikkut isiginiarneqarlutik angajoqqaat kisimiittut.

Piffissamut qanittumut ungasittumulluunniit isigisut taperserneqarsinnaallut.

Kikkut tapersersorneqarsinnaappat?

Inuinnaat, peqatigiiffiit kattuffiillu.

Aningaasaliisarfiaraq makkununnga tappersiisinnaanngilaq:

• Namminermut aningaasatigut iluaqusiinissamut imaluunniit nammineq pigisassamik pisinissamut
• Suliniutip Aningaasaliisarfiaqqamut nassiunneqareersimasup asserluinnaanik (akuerineqarsinnaapput taamaallaat allanngorlugu qinnuteqartoqarsimappat)
• Suliniutit qaangiutereersunut (kingumoortumik angingaasaliisoqarsinnaanngimmat)
• Kalaallit Nunaata avataanut angalanerit
  Ingerlatsinermi allaffissornikkullu aningaasartuutaat matussuserneqarnissannut
• Atortussanik angisuunik pisinissaq taamatullu sanaartornissamut qinnuteqaatit taavalu sneskoterinik, umiatsiamik, biilinik, inimik pisinissamut qinnuteqaatit.
• Suliniutit pisortanit suliarineqartut imaluunniit peqatigiiffinniit aningaasassaqartillugu suliarinissaanut soqutigiffigineqartunut

Qinnuteqaat makkuninnga paasissutissaqassaaq:

Naatsunnguamik eqqortumillu suliniutissaq allaaseralugu

Qinnuteqaatip aningaasartassaa qassiunersoq qanorlu sunullu atorneqassanersoq

Pisariulimmik imaqartariaqanngilaq.

Qinnuteqaat mailikkut, faxikkut allakkatigulluunniit nassiunneqarsinnaavoq

E-mail: mikropuljefond@nanoq.gl 
Fax: 34 66 66

Departementet IKINN
Mrk: IKIOQATIGIITTA Mikropuljefond
Postboks 260
3900 Nuuk

Qinnuteqarfissaq

Aningaasaateqarfeeraq ”Ikioqatigiita” -mut qinnuteqarfissaq

Nalunaarusiornermi immersugassaq

Naliliinermi aamma nalunaarusiornermi immersugassaq - Aningaasaateqarfeeraq ”Ikioqatigiitta”