www.peqqik.gl/klager.aspx takuuk.
Peqqinnissaqarfiup kiffartuussinera pillugu naammagittaalliorneq
Peqqissaaveqarfiup Qullersaqarfianut naammagittaalliuteqarsinnaavutit:
- naammagittaalliummi makku pineqarpata:
- Peqqinnissaqarfiup kiffartuussinera
- Sulisut pissusilersornerat, ulapippallaarnerat assigisaallu
- Napparsimasunik angallassinermut atatillugu ajornartorsiutit
- Nakorsiartitsinermi ammasarfiit
- Utaqqisarnerit
- Katsorsarneqarnissamut periarfissaqannginneq
- Oqaatsitigut oqalutseqarniarnikkullu ajornartorsiutit
Peqqinnissaqarfiup napparsimasut sullinneqarneranni naammagittaalliorneq
Naammagittaalliorsinnaavutit Naammagittaalliuummi makku pineqarpata: Misissortinneq, suliarineqarneq paaqqutarineqarnerlu, imaappoq napparsimasutut sullinneqarneq peqqinnissakkut sullissisunit suliarineqartoq, nappaat suliarineqarnerluunniit pillugu napparsimasumut ilisimatitsissuteqarneq, peqqinnissakkut sullissisut nipangiussisussaatitaanerat, nakorsamit uppernarsaatit, napparsimasut pillugit nalunaarsuiffinnik takunnissinnaatitaaneq.
Sulisut makku pillugit naammagittaalliuutit Maalaaruteqartarfiup suliarisinnaavai: Nakorsat, peqqissaasut, juumuut (ernisussiortuunerit), peqqissaanermi ikiortit, peqqinnissamik isumaginninnermi ikiortit, kigutit nakorsaat, kigutilerisut, peqqinnissaqarfimmi kigusiortut, tarnip pissusiinik ilisimasallit, iisartagaliortut, iisartagalerisut, aaviisartut, qinnguartaasartut, isilerisut, tagiartuisartut, pillorissaasut, isikkanik tagiartuisartut, qitilerisut, utoqqarnik paaqqinnittarfinni ikiortit tarnimikkullu napparsimasunik paaqqinnittartut.
Peqqinnissaqarfimmit taarsiivigitinnissaq pillugu naammagittaalliorneq
Taarsiivigineqarnissamik peqqinnissaqarfimmut piumasaqarsinnaavutit. Peqqinnissaqarfiup akisussaaffigisaanik kukkusoqarsimanera pissutigalugu aningaasatigut annaasaqarsimaguit taarsiivigineqartussaavutit. Kukkuneq akisussaaffigineqassaaq peqqinnissaqarfiup kukkusumik suliaralutit imaluunniit allatigut sumiginnarlutit ajoqusersimappatit.