Ilinniartitaanermut pilersaarut pillugu EU-mik suleqateqarnissamik isumaqatigiissut

Nunarput 2006-imi aasakkut EU-mik suleqateqarnissamik isumaqatigiissuteqarpoq. Suleqatigiinnissamik isumaqatigiissut oqaluttuarisaanikkut, naalakkersuinermik suliaqarnikkut, aningaasaqarnikkut kulturikkullu eqqarleriinneq ataqatigiinnerlu pissutigalugit Nunatta EU-llu sorpassuartigut suleqatigiinnerannik nangitsinissap annertusaanissallu susassaqartunit kissaatigineqarneranik naalakkersuinikkut nassuerutaavoq.

Aalisarnermit ilinniartitaanermut

Suleqatigiinnissamik isumaqatigiissuteqarnikkut Nunarput ukiumut 25 millioner eurot missaannik missingersuutinut tapiissutisisarpoq aalisarnermi pisinnaatitaaffinnut EU-mi tunineqartartunut taarsiissutitut. 25 millioner eurot taakku tamarmik ilinniartitaanermut immikkut suliniuteqarnermut, tassa Ilinniartitaanermut pilersaarummut missingersuutinut ilaasussatut atugassaapput.

Pisussaaffiit

Nunarput ukiuni tulliuttuni Ilinniartitaanermut pilersaarummi sunik suliaqarnialersaarnitsinnik anguniakkanillu sorlernik angusaqarnissamik naatsorsuuteqarnitsinnik ukiut tamaasa EU-mut allaaserinnittassaaq. Ukiumi tulliuttumi suliniutit qanoq ingerlasimanerat sunillu angusaqarsimanerput nalunaarutigisassavarput.

Aaqqissuussaaneq

Ilinniartitaanermut pilersaarut pillugu EU-mik suleqateqarnissamik isumaqatigiissutip piviusunngortinneqarnissaanut ulluinnarni allattoqarfik Suliffeqarnermut Inuussutissarsiutinullu Ilinniartitaanermut Pisortaqarfimmiippoq (SIIP). Tamatuma saniatigut aamma Nunanut allanut Pisortaqarfik, Aningaasaqarnermut Pisortaqarfik Bruxelles-imilu aallartitaqarfik suliami ilaapput.

EU-mi suleqateqarnissamik isumaqatigiissut Ilinniartitaanermut pilersaarutip saniatigut allanik imaqarpoq maani nanoq-mi atuarsinnaasannik.