Meeqqat atuarfiat

Atuarfik ukiuni qulini atuarfiuvoq, alloriarfinnullu pingasunut agguarsimavoq, tassaasut alloriarfik ukiunik pingasunik sivisussusilik nukarlernoortoq (nukarliit), ukiunik sisamanik sivisussusilik akullernoortoq kiisalu ukiunik pingasunik sivisussusilik angajullernoortoq (angajulliit). Atuartitaasussaatitaaneq ukiunik qulingiluanik sivisussuseqarpoq. Atuartut ukiunut atuartitsiffiusunut agguarlugit imaluunniit ukiunut atuartitsiffiusunut agguarnagit ikaarsaariarfinnut ataasiakkaanut aaqqissuussaapput, atuartitsissutillu agguataarlugit aammalu holdini allanngorartuni atuartitsissutit akimorlugit atuartinneqartarlutik. Holdit atuartunik ikaarsaariarfimmi pineqartumi klassimit ataatsimeersunit klassinilluunniit arlalinneersunit peqataaffigineqartarput, atuartut ataasiakkaat ilikkagassatut anguniagaasunik pisariaqartitsinerat soqutiginninnerallu naapertorlugu.

Oqaatsit atuartitsissutaasut tassaapput kalaallit danskillu oqaasii. Aamma tuluit oqaasii atuartut oqaatsinik ilinniarnerannut atatillugu atuartitsissutitut atorneqarsinnaapput.

(Atuartitsinerup aaqqissuussaanera periutsillu pillugit erseqqinnerusumik paasissutissat Inerisaaviup internetikkut nittartagaanut uunga aaneqarsinnaapput: > Naqitat, Atuarfitsialak. Inerisaaviks hjemmeside under formularer.