Ilinniartitaaneq

Ullumikkut ukiut qulit atuartoqartarpoq kiisalu nunatsinni nunanilu allani ingerlaqqiffiusumik ilinniaqqinnissamut ilinniartitaaqqinnissamullu arlalippassuarnik periarfissaqarpoq.

Ilinniagaqarnissaq nunatta ineriartorneranut inummullu pineqartumut pingaaruteqarpoq. Siullermik ilinniartitaaneq atuartuunerlu meeraanermut inuusuttuunermullu atatittarpavut, ullumikkulli ilinniartitaaneq tassaavoq inuuneq naallugu pisinnaasoq.

Inuiaqatigiit suliassallu allanngorput taamatuttaarlu aamma inuit inuiaqatigiinni inuusut sulisullu allanngorlutik. Taamaattumik inuuneq naallugu nutaanik ilinniartuarnissaq piginnaasanillu ineriartortitsiuarnissaq pingaaruteqarpoq.

Ilinniagaqarnersiutit pillugit annerusumik paasisaqarsinnaavutit Nalunaarut nr. 8 27marts 2008-meersoq ilinniagaqarnersiutit pillugu

Ukiuni makkunani Naalakkersuisut ilinniartitaanermik piginnaasaqarnerulersitsiniarnermillu samminnittorujussuupput. Sulisut ilinniarluarsimasuunissaat unammillersinnaanissaallu anguniagaavoq. Naalakkersuisut ilinniartitaanermut suliniarnerat pillugu sukumiinerusumik atuarit.

Ilinniarfissarsiorpit?

Ilinniarfissarsioruit ilinniartitaanerit assigiinngitsut qanorlu qinnuteqarnissat pillugit sukumiinerusumik atuarsinnaavutit www.sunngu.gl –imi imaluunniit najukkanni Piareersarfik ilitsersuisussaq qinnuteqarninnilu ikiuisussaq saaffigisinnaallugu.