Raajat, saattuat, qalerallit, nataarnat, suluppaakkat, saarullik, tupissut, qeeraq og kissavaasallu:
Aalisakkanik/qalerualinnik taakkuninnga aalisarneq ukioq kaajallallugu ajornanngilaq.
Ammassak:
Ammassak Kitaani sinerissallu qanittuani ukioq kaajallallugu aalisarneqarsinnaavoq. Ammassak Tunumi avataasiorluni immamilu nunarpassuit atorsinnaasaanni Islandip, Kalaallit Nunaata Jan Mayen-illu akornanniittumi aalisarneqarsinnaavoq 20. junimiit aappagukkut 30. april tikillugu.
Kapisilik:
Piffissaq allanngorartuuvoq ukiullu tamaasa nutaamik aalajangerneqartarluni, kisiannili oqartoqarsinnaalluni piffissami 01. augustusip 31. oktoberillu akornanniikkajuttoq naatsorsuutigipajaarneqarsinnaalluni. Qaqugorpiaq pinissaa paaserusukkukku nutaarsiassat alakkakkit.
Inuussutissarsiutigalugu inuussutissarsiutiginagulu kapisilinniarneq immikkoortinneqartarput. Inuussutissarsiutigalugu kapisilinniarneq ulloq aallartiffissatut aalajangigaq sioquullugu aallartinneqarsinnaanngilaq unitsinneqartussaallunilu ataasiakkaanut tunngatillugu piffissaliutap naanerani imaluunniit pisassiissutip nungunneqarnerani. Inuussutissarsiutiginagu kapisilinniarneq taamaallaat pisinnaavoq piffissami naalakkersuisut inuussutissarsiutiginagu kapisilinniarfissatut aalajangigaata iluani.
Nipisa:
Ukioq 2006 aallarnerfigalugu inuussutissarsiutigalugu nipisanniarnissaq piffissami 1. julimiit - 28. februarimut inerteqqutaalerpoq.
Eqaluk:
Qassutit atorlugit eqlunniarneq taamaallaat ajornanngilaq piffissami 15. junimiit 25. september ilanngullugu.