Uumasunik eqqussineq annissinerlu

CITES
isumaqarpoq "Convention on International Trade in Endangered Species of wild flora and fauna" (Uumasunik naasunillu nungutaanissamut navianartorsiortitaasunik nunani tamalaani nioqquteqarneq pillugu isumaqatigiissut).
Annissineq, eqqussineq (tunisineq, pisineq) uani atuaruk

Qimminut tunngatillugu
Qimminik qimuttoqarfiusumut qimminik eqqussinissamut akuersissummik tunniussisoqarsinnaanngilaq, aamma kalaallit qimmii qimuttut qimminik qimuttoqarfiit avataanneereerlutik qimminik qimuttoqarfinnut eqquteqqinneqarsinnaanngillat. Qimit piumasaqaatinik immikkut ittunik piumasaqaateqarfigalugit eqqunneqarsinnaasutuat tassa politiit qimmii, qimmit ikiaroornartunik ujarlertittakkat tappiitsullu qimmii.

Kommuninut ukununnga qimminik eqqussinissamut akuersissummik tunniussisoqarsinnaavoq: Nanortalik, Qaqortoq, Narsaq, Ivittuut, Paamiut, Nuuk aamma Maniitsoq. Akuersissummik tunniussisoqassappat uppernarsaatit makku Danmarkimi Allafimmut tunniunneqassapput:

• Kalaallit Nunaanni kommunimi najugarisami qimmeqarnissamut akuersissut
• Qimmip perlerornermut akiuussutissamik kapitinneqarsimaneranut uppernarsaat sivikinnerpaamik ullunik 30-nik sivisunerpaamillu ukiumik ataatsimik pisoqaassusilik
• Qimmit nappaataannut (hundesygemut) parvovirusimullu akiuus­sitissamik kapitissimanermut uppernarsaat
• Uumasut nakorsaata peqqissutsimut uppernarsaasiussaa, aallarnissaq siusinnerpaamik ullunik 14-inik sioqqullugu
• Qimmip qumaajarneqarluni katsorsartissimanera pillugu piginnittup uppernarsaasiussaa
• Qimmeq arnaviaq pineqarpat kinguassiorsinnaajunnarsinneqarsimaneranut uppernarsaat

Qimmeq Danmarkimut nassarsimasaq Kalaallit Nunaannut eqquteqqinniarneqarpat malittarisassat qulaani taaneqareersut atuutissapput.

Qitsunut tunngatillugu
Qitsuit Kalaallit Nunaannut eqqunneqarnissaat inerteqqutaavoq, taamaattorli makku pigigaanni Danmarkimi Allaffimmit akuersissummik pisoqarsinnaavoq:

• Inerteqqut atuutissanngitsoq Fødevaredirektoratip, Inuussutissat pillugit Pisortaqarfiup, immikkut akuersissutaa (Mørkhøj Bygade 19, 2860 Søborg)
• Najukkami qitsuuteqarnissamut akuersisoqarnissaanik kommunip najugarisap neriorsuutaa
• Qitsuup perlerornermut akiuussutissamik kapineqarsimaneranut uppernarsaat, sivikinnerpaamik ullunik 30-nik sivisunerpaamillu ukiumik ataatsimik pisoqaassusilik
• Uumasut nakorsaata peqqissutsimut uppernarsaasiussaa, aallarnissaq siusinnerpaamik ullunik 14-inik sioqqullugu
• Qitsuup qumaajarneqarluni katsorsartissimanera pillugu piginnittup uppernarsaasiussaa
• Aammattaq qitsuk tikinnermi kingunitsianngua kommunimi najugarisami nalunaarsorneqassaaq

Qitsuk Danmarkimut nassarsimasaq Kalaallit Nunaannut eqquteqqinniarneqarpat malittarisassat qulaani taaneqareersut atuutissapput.

Kaniinat, marsvinit, hamsterit, aalisakkat akvariamiittut, saaniluit, timmissat inimiutat, papikuujuit uumasullu allat pineqartillugit maleruagassat saamiatungaaniittut atuakkit.

Angalaninni uumasuutivit timmisartuussisoqatigiinnit ilaaffigisannit nassarneqarsinnaanerat tamatigut qulakkiissagakku eqqaamajuk.