Inissialiornermut tapersiissuteqartarneq

Illuliornermut tapersiissuteqartarnermut peqqussut (inissialiornermut, illunut ataatsimoorussanut, illuliassanut il.il. tapersiissuteqartarneq pillugu Inatsisartut peqqussutaat nr. 11, 19. november 2007-imeersoq) Namminersornerullutik Oqartussat aaqqissuussinernut matuma kinguliani taaneqartunut tapiissuteqartarnerannut imaluunniit taarsigassarsititsisarnerannut tunngasuuvoq:

Kommunit inissiaataat attartortittakkat illuutaallu ataatsimoorussat

Kommunit inissianik attartortittakkanik, 20 m²-t sinnerlugit angissusilinnik sananissamut tapiiffigineqarnissamik qinnuteqarsinnaapput. Inissiaq anginerugaluarpalluunniit annerpaamik 110 m²-nut tapiissuteqartoqarsinnaavoq.

Kommunit illunik ataatsimoorussanik, illutut sullivittut tamanit atorneqarsinnaasunik sananissamut tapiiffigineqarnissamik qinnuteqarsinnaapput. Illut ataatsimoorussat nunaqarfinnut illoqarfinnullu minnernut, ineqarnikkut nunaqarfinni pissutsinit allaanerungaanngitsunik atugaqarfiusunut atugassatut eqqarsaatigineqarput.

Kommunit Attaveqarnermut Aqutsisoqarfimmut aningaasanik qinnuteqassapput.

BSU-mit taarsigassarsilluni illuliat

BSU-mit taarsigassarsilluni illuliat pioreersut pisiarinissaannut, allilerneqarnissaannut pitsanngorsarneqarnissaannullu Namminersornerullutik Oqartussat tapiissuteqarsinnaapput taarsigassarsititsisinnaallutillu. Aaqqissuussineq A/S Inissiaatileqatigiiffik INI-mit aqunneqarpoq.

Illut sanaqataaffiusut

Namminersornerullutik Oqartussat illunik sanaqataaffiusunik pisinissamut kommuninut tapiissuteqartarput, aammalu illunik sanaqataaffiusunik (siornatigut nammineerluni illulianik taaguuteqartunik) pisinissamut inuinnarnut taarsigassarsititsisarlutik.

Inuinnarnut illunik sanaqataaffiusunik pisinissamut taarsigassarsititsinermi sanaqataasup aallaqqaatissatut nammineerluni akiligassaanut isertitarisimasai apeqqutaassapput. Tassalu sanaqataasussat qaffasingaatsiartunik isertitaqarsimasut aallaqqaatissatut namminneerlutik akiligassaat sanaqataasussanut appasingaatsiartunik isertitaqarsimasunut naleqqiullutik qaffasinnerussapput. Aaqqissuussineq A/S Inissiaatileqatigiiffik INI-mit aqunneqarpoq.

Inissialiornermut tapersiissuteqartarneq pillugu inatsisit:

Inissialiornermut, illunut ataatsimoorussanut, illuliassanut il.il. tapersiissuteqartarneq pillugu Inatsisartut peqqussutaat nr. 11, 19. november 2007-imeersoq (1. januar 2008 atuutilerpoq)

Akiliutissat akiligassanngortut taarsigassarsiallu amiakkuisa isumakkeerneqarnissaannik qinnuteqaatinik aqutsineq pillugu Namminersornerullutik Oqartussat nalunaarutaat nr. 10, 18. april 2002-meersoq

Illutaarniarnissamut tapersiiffigineqarsinnaaneq pillugu piumasaqaataasut pillugit Namminersornerullutik Oqartussat Nalunaarutaat nr. 6, 22 marsi 1994-imeersoq

Init inuutissarsiornermut atorneqartut inigisamilu inuutissarsiummik ingerlatsineq pillugit Namminersornerullutik Oqartussat Nalunaarutaat nr. 7, 22 marsi 1994-imeersoq

Inissialiornermut tapersiissutissat tunniunneqartarnissaat pillugu Namminersornerullutik Oqartussat Nalunaarutaat nr. 8, 22 marsi 1994-imeersoq

Inissialiornermut tapersiissuteqartarneq pillugu Inatsisartut peqqussutaat malillugu illorsuarnut tapersiiffigineqarsimasunut sillimmasiisarneq pillugu Namminersornerullutik Oqartussat Nalunaarutaat nr. 9, 22 marsi 1994-imeersoq

Kommunet inissiaataannut attartortittakkanut tapiissutit pillugit Namminersornerullutik Oqartussat Nalunaarutaat nr. 10, 22 marsi 1994-imeersoq

 -Namminersornerullutik Oqartussat nalunaarutat nr. 46, 16 decembari 1994-imeersukkut allannguuteqartinneqartoq

Ukiup affakkaartumik akiliutaasartussat naatsorsorneqartarnerilu pillugit Namminersornerullutik Oqartussat nalunaarutaat nr. 11, 22 marsi 1994

 -Namminersornerullutik Oqartussat nalunaarutaat nr. 47, 16 decembari 1994-imeersukkut allannguuteqartinneqartoq

Inissialiornermut tapersiissuteqartarneq pillugu Inatsisartut peqqussutaani § 17 malillugu naatsorsuutinut ineqarnermut meeqqanut tapiissutit ilanngunneqartarnissaat pillugu Namminersornerullutik Oqartussat nalunaarutaat nr. 12, 22 marsi 1994-imeersoq

Inissialiornermut tapersiissuteqartarneq pillugu inatsisartut peqqussutaani kapitali 4 naapertorlugu taarsigassarsilluni illugineqartut attartortinneqartarnissaat pillugu Namminersornerullutik Oqartussat nalunaarutaat nr. 13, 22 marsi 1994

 - Namminersornerullutik Oqartussat nalunaarutaat nr. 48, 16 decembari 1994-imeersukkut allannguuteqartinneqartoq

Inissialiornermut tapersiissuteqartarneq pillugu inatsisit atorunnaarsinneqareersut, suli ilaatigut pingaaruteqarsinnaasut:

Inissialiornermut tapersiissuteqartarneq pillugu Inatsisartut peqqussutaat nr. 1, 9. april 1992-imeersoq (1. januar 2008 atorunnaarsinneqarpoq)

 A: Inatsisartut peqqussutaat nr. 9, 30. oktober 1995-imeersukkut allannguuteqartinneqarpoq (1. januar 2008 atorunnaarsinneqarpoq)

 B: Inatsisartut peqqussutaat nr. 3, 30. oktober 1998-meersukkut allannguuteqartinneqarpoq (1. januar 2008 atorunnaarsinneqarpoq)

 C: Inatsisartut peqqussutaat nr. 19, 12. november 2001-imeersukkut allannguuteqartinneqarpoq (1. januar 2008 atorunnaarsinneqarpoq)

 D: Inatsisartut peqqussutaat nr. 3, 21. maj 2002-meersukkut allannguuteqartinneqarpoq (1. januar 2008 atorunnaarsinneqarpoq)

 E: Inatsisartut peqqussutaat nr. 4, 15. april 2003-meersukkut allannguuteqartinneqarpoq (1. januar 2008 atorunnaarsinneqarpoq)

 F: Inatsisartut peqqussutaat nr. 3, 12. maj 2005-imeersukkut allannguuteqartinneqarpoq (1. januar 2008 atorunnaarsinneqarpoq)