Inissiaatileqatigiiffimmik pilersitsineq

A/S Inissiaatileqatigiiffik INI-p ingerlanneqarnera inissiaatileqatigiiffimmik pilersitsinissaq pillugu Inatsisartut peqqussutaanni nr. 12-imi, 28. oktober 1993-imeersumi, kingusinnerusukkut allannguuteqartinneqartumi maleruagassiuunneqarpoq.

A/S Inissiaatileqatigiiffik INI-p pilersinneqarnerani Namminersornerullutik Oqartussat pigisaannut aalaakkaasunut tunngatillugu allaffissornikkut allatullu sullissinikkut suliassat ingerlannissaat siunertarineqarpoq.

A/S Inissiaatileqatigiiffik INI-imi suliassat uku pingaarnertut isumagineqarput:
- inissiat Namminersornerullutik Oqartussanit pigineqartut aqunneqarnerat ingerlanneqarnerallu, kiisalu inissiat Namminersornerullutik Oqartussanit pigineqartut aserfallatsaaliorneqarnerat.

Taakku saniatigut A/S Inissiaatileqatigiiffik INI-p suliassat assigiinngitsut pingasut uku isumagisinnaavai,
- oqartussaasutut suliassat, piginnaatinneqarneq tunngavigalugu suliarineqartussat
- suliassat suliarineqarnissaminnut neqerooruteqartitsiviusimasut, aamma
- siunnersortitut suliassat takkuttartut

Suliassat assigiinngitsut pingasut periaatsit assigiinngitsut marluk malillugit naammassineqarsinnaapput, tassalu:
- inissianik ingerlatsinikkut, aqutsinikkut aserfallatsaaliuinikkullu
- sanaartornermi sanatitsisutut suliassanik isumagisaqarnikkut.

Inissiaatileqatigiiffimmik pilersitsinissaq pillugu inatsit:

Inissiaatileqatigiiffimmik pilersitsinissaq pillugu Inatsisartut peqqussutaat nr. 12, 28 oktobari 1993

 A: Inatsisartut peqqussutaat nr. 6, 2. maj 1996-imeersukkut allannguuteqartinneqartoq

 B: Inatsisartut peqqussutaat nr. 2, 15. april 2003-meersukkut allannguuteqartinneqartoq