Inissiat nammineq pigisat

Piginnittut peqatigiiffiannut maleruagassiornermi peqqussummi aalajangersakkat kiisalu piginnittut peqatigiiffiata malittarisassai tunngavigineqarput. Tamatuma saniatigut piginnittut peqatigiiffiat torersaarnissamut maleruagassiortussaavoq, tassanilu piginnittut peqatigiiffiini ataasiakkaani suliassanut tunngassuteqartut maleruagassiorneqassapput.

Inissiat nammineq pigisat najugaqarfittut inuussutissarsiornermulluunniit atorneqaraluarpata, imaluunniit piginnittoq inissiami nammineq pigisami najugaqaraluarpat inissiarluunniit nammineq pigisaq attartortinneqaraluarpat peqqussut atuutissaaq. Piginnittut peqatigiiffiat illumik affarleriimmik pigisaqarpat piginnittut marluk ilaasortaassapput, aammalu inissiarsuarmik annerusumik pigisaqarpat piginnittut tamarmik ilaasortaassallutik.

Inissiaq nammineq pigisaq ataaseq nammineq pigisatut aalaakkaasutut isigineqassaaq. Tassalu piginnittoq inissiarsuarmi piginnittut allat peqatigalugit pisattat atortullu agguaqatigiisitseriaaseq sukumiisoq malillugu piginittussaatitaassaaq.

Piginnittut peqatigiiffiinut malittarisassiat tunngaviusut inissiat nammineq pigisat pillugit Inatsisartut peqqussutaanni ilanngussaq 1-imi aamma ilanngussaq 2-imi (illut affarleriit) takuneqarsinnaapput.

Torersaarnissamut maleruagassanut tunngaviusut inissiat nammineq pigisat pillugit Inatsisartut peqqussutaanni ilanngussaq 3-imi takuneqarsinnaapput.

Inissiat nammineq pigisat pillugit inatsit:

Inissiat nammineq pigisat pillugit Inatsisartut peqqussutaat nr. 2, 7. maj 2007-imeersoq (1. juli 2007 atuutilerpoq)

 -Inissiat nammineq pigisat pillugit Inatsisartut peqqussutaat nr. 2. 7. maj 2007-imeersumut nassuiaatit